احسبن لي أبعد عنك..........................

أحسبن لي أبعد عنك وأصد وأنساك
حتى لوأنك ياأريش العين غالي

من يوم صارت عشرتك مثل فرقاك
خلك على دربك ودربي لحالي

وردتني حوض المنايا بيمناك
وأسقيتني مر الهوى أول وتالي

أحرص على قربك وشفق للقياك
والصورة اللي ماتفارقخيالي

واليوم جيت تقول لي وين دنياك
ماكنك تدري يالغضي وش جرالي

حتي لو إن قلبي يحبك ويهواك
فرقى ولافيها جواب وسؤالي

هذا كلام ياصلك ويتعداك
الكون واسع وأنت مالك ومالي

مهما سعيت وجيت يفداك من جاك
رأسي رفيع ومنزل العز عالي

والصدق والله لو قدرت أتناساك
أنك على قلبي عزيز وغالي


راعي القصيده.... .......؟.؟؟؟ ونبغي نشوف تفاعلكم أبو عنبر (من سكاكا الجوف)

هذه القصيدة ما اقتبست منها ابيات لاني اضفتها الى مفضلتي
وبعد ماقريتها رجعت واخذت الثانيات مشاء الله عليك مبدع ورائع وراقي
الا نتفاعل مع قصائدك وعشان كذا انا بعد ما اشيك على المنتدى راح انشر قصيدة ثانية
ورائيك يهمني فيها يالقرم والشاعر المبدع

عندي ملاحظه على القصيده
احسن لي أبعد عنك وأصد ونساك
مشكور على التفاعل الى اجمل من الرائع ونت دوم رائع وشكرا
ابشر رائح اتفاعل مع قصايدك
ودم ابداعك

وجودك اروع من الابيات وبمرورك العذب يزيده جملا لنا

ماشاء الله عليك جميل جداً

يسلموووووو

مشكووووووووووووووور