موقف ومر بي

ابدأبنسج الشعرمن فكري وأخاطب منتـداي
بالموقف اللي مرّ بي مع من سبت عقلـي سبـي
أبا اعتذر مخطي وأعرف أني تماديـت بخطـاي
والعذر من نفسي لنفسي عند شعـري وادبـي
ويامن تقول اسمي وتبسم ثم تجهر فـي نـداي
دامت انت عنك هالشجاعه قول مني وش تبي
وحاول تعرفني بنفسك يمكن أذكر من معـاي
صراحـة تحـرج ولاعـذر يحـدك تكذبـي
ودامك تعرف أني جزيل المد ما ارجع في عطاي
واجه بعلمك لن مالك عـن طريقـي مهربـي
بمكالمـة وحـدة تعاهدنـي وتطلبنـي وفـاي
أياعهـد وأيـا وفـا أبـك تحسبنـي غبـي
يردني عن درب هذا الحب مبـداي وحيـاي
انا ابدوي عزتي فـي كـف زنـدي وشنبـي
أيا غرام شد قلبـك ماقـدر يعشـق سـواي
أرفق على عمرك تـرا مانـي معـك متعذبـي
وإن كنت قصدك ياجميل الصوت تلحقني مداي
والله لتبطي وانت لا مبعـد ولاانـت مقربـي
وإن قصدقك حب واخلاص ووفا ما انته هواي
ماشاق قلبي يالصغير كل مـن لبـس العبـي
ولا تعرض أوصافك تجسدها تبي تبحث خفاي
بقولك ماكل برق يالصغير في عيونـي يجذبـي
أنا لواسمع صوتك المبحوح ماسبـب عنـاي
سمعي ماعاد لكل صوت عذب يقـدر يطربـي
اقرأ مقدمتي وتعجـز قبـل تدخـل محتـواي
أنا رتكيت وحمل وقتي يشتكي مـن منكبـي
ولوكنت ما تعجل علي ولا تضجر من بطـاي
انا اختصر لك سكتي واعلّمك فـي مذهبـي
أنا ليامني مشيت بدرب مـا تقصـر خطـاي
أمشي على أقدامي وغيري لوخطا شوي يحبـي
واللي حفظ شعري وتقديري ويرفع مستـواي
في هالزمان الطيب وامعروف وأهله مكسبـي
وبعطيك من فكري وتجربتي ومبدا العقـل راي
اضحك معي كاني رضيت ولاتحـرى لغضبـي
وإذا بغيت البرد من صيفي وتدفا عـن شتـاي
حاول تركز نظرتك وأدرس فضـاي اللولبـي
طور من اسلوبك وتعبيرك وتسبح في فضـاي
ومن بعدها يمكن تعيش اولا تعيـش بكوكبـي
وابعد خيالك بالصور واللفظ تمرح في ربـاي
وابحر مع امواج الشعور الـي عبرهـا مركبـي
وانبظ بحرفي تستمد النورواشرق فـي سمـاي
لك فيّ في ظلي وشمسـي تحتضنـك بمغربـي
وانهل من احساسي يبي يرويك من لهفة ظماي
واملك هيام العاطفة والموهبـة لـك مشربـي
وانثر معاني الشعر بافكاري كذا تكسب رضاي
والنودنسماتـه بريحـان العـذوبـة تلعـبـي
واسهر مع الإبداع واسترسل ويهمسلك مساي
واضم طيفك في عيوني بيـن جفنـي وهدبـي
اما احترف بالشعر والا ابعد ولاتكدر صفـاي
واليا وصلت آخر مسافات الطمـوح تمربي