على شوفك حييت
صارت الساعة 3 و بات في ذهني سؤال
كيف من قلبه تولّع .. يقدر فـ ليله يبيت !
من عرفتك صرت حاير , شارد و مشغول بال
كن قلبي زاد نَبضه أو عَلى شوفك حييت
انت في كفّه و غيرك قربهم منّي محال
لو يحطّونك مقابل كل هالناس اشتريت
عادتي ما شوف .. م اسأل لا و لا ارد اتصّال
آتجاهل كل من حولي و لا كنّي رأيت
شوف هذا حبل ودّي صوبك يشد الوصال
كنت نايم من زمن .. لكن على حبّك وعيت
لك غلا صادق .. مشيّد صرح ثابت كالجبال
منك يا فرحة زماني يا عساني ما خليت
إقرب لبيتك فديتك .. يا بعد عمري تعال
لك اشيل ضلوع صدري لو عقبها ما حييت
شوفتك تكفي و تغني عن مفانيد الرجال
ما أرى فالناس غيرك يا غلاي اللّي فديت
عدّت الساعة 3 و مات في ذهني سؤال
كيف من قلبَه تولّع .. يقدر فـ ليله يبيت !