آخر قصائدي

يالله ترحمني قبل ينشـف الريـق ===== وقدام يصلـن القلـوب الحناجـر
ياكافـل الأرزاق يافـارج الضيـق ===== عالم بما تخفيـه سـود الدياجـر
مخطي وماشن في دروب مغاليـق====واغرقت في كثرة بكاي المحاجـر
سهرت طول الليل اجر الطواريـق ====وفكرت ابعد عن ديـاري واهاجـر
متحمل في خافقي فـوق مااطيـق ====واصبر على ماصابني جعلي آجـر
يااصحابي الدنيا همـوم وتفاريـق ====يانـازل بـالـدار وإلا مهـاجـر
وياصاح طعنات الرموش السواريق ====أشد وأقسى من طعـون الخناجـر
والحب لو كله عهـود ومواثيـق ==== آخر مطاف احد المحبيـن هاجـر
طرقة عذاب بها جبـال شواهيـق =====ويسودها جـو الضنـا والتشاجـر
وقررت ابا ابدي عالي الرجم وأويق ==== لكن حجرني عن هوى الغيد حاجر
دمي بساحات الهوى من زمن ريق ====والحال مبري مثل بـري المناجـر
هايم بحب منـه مـا ودي أفيـق ===== وبسوق غيره مانويـت المتاجـر
ولاحصل لي معه قسمه وتوفيـق ===== وحرمت بعـده لابسـات البناجـر
ومن بعدها وانا عيوني غواريـق ====== وان كف دمعي تسمع القلب زاجـر
عليك ياسيد العـذارى المماشيـق ====== وحتى المشاعر من عناها تشاجر
غظيظ نهد وجيدهـا كنـه إبريـق ===== والثلج خلف الجمر والجمر ساجـر
والردف نابي والخصر ناعم دقيـق ===== والوجه بدر خلفـه الليـل داجـر[td]

ابداع يامبدع
ماشاء الله عليك
تقبل مروري

رائع الله يعطيك العافيه

مبدع الابداع انت يانشفي ويعطيك العافيه

اسف يانشمي

لا النجم الساحر شرفني مرورك

مشكووووووووووووووور

قصيدة رائعه

شكرا لك على ما خط ابداعك

وتحياتي لك

صح لسانك ملايين

مبدع كعادتك

شكرا كل باسمه
مروركم شرف لي

مشكورين